على قولك… كتبها الشاعر ابو رامي الاسواني
( علي قولك )
القصة كانت في البداية
مجرد سؤال مين السبب
كان الولد..........ولد وعال
شيال حمول
ولا عمره كل ولا اشتكي
ولا حكي لحد اللي فيه
لانه كان
شيال حمول كل اللي ليه
وف يوم زمانه قلب عليه
رماه في دنيا
ماكانتش ليه
حطه في خانة العاشقين
الولهانين السهرانين
تجربته كانت
ملهاش اساس
واكمنه كانت أول تجاربه
حب بإخلاص
واكمنه ماكانش عنده خبره
ماكانش يعرف
يرص الكلام
معرفش يقول
حبة آهات علي ذكريات
كان بس يادوب
يبص بعينيه
وإن شاور مره حتي بإيديه
يبقي عدا كل الحدود
علي قولك
مانيش فنان..... ولا شاعر
بس يادوب أكون إنسان
اصول العشق مفهمهاش
ولسه في الهمس بتعلم
كان نفسي اقول واتكلم
واوصفلك ضني روحي
ومن نوحي
بتدبل وردتي ف ايدي
ف زيدي اوي زيدي
واتعبي كمان فيا
اصل انا برضو على قولك
مانيش فنان ولا شاعر
ابو رامى الاسواني
٢٨/٧/٢٠٢٠
تعليقات
إرسال تعليق