شط الهوى..ل..فاتح سليمان
شط الهوى
وقصدت شط الهوى اعمل انا بحار
بعيون ترشق نبل وقفت انا محتار
اركب سفينة اجت خايف من الأغوار
خايف يلفني الهوى وماقاوم التيار
رسيت سفينة منورة ومحملة بازهار
رشاقة حسن وادب الرحمة ياستار
اخدت مني العقل وحسيت قلبي طار
يابنت اخت القمر حبك عمل اعصار
رماني ع شط الهوى سكران انا منهار
اجتني متل الحلم وبكلمتين صغار
حسيت ملكت الدني من توبها الاصفر
غياران يمسها الندى من العطر والعطار
من توب يستر لها حتى من الزنار
نامت ع صدري بكت قالت يابحار
انظر عيوني ترى قصة وحلم واسرار
تعرف بحبك انا ماخون مهما صار
بعدك حرمت الزلم والواحد القهار
الشاعر فاتح سليمان ابو حكمت من سورية
تعليقات
إرسال تعليق