سورية... عازار الريم
. قطفة حبق
سورية
شعر باللغة المحكية.....
كتبت هذه القطفة على صفحتي من ست سنوات
يا سورية العزيزة و الحبيبي
حملتك بالعقل فكرة نجيبي
و دورتك على كل الزوايا
تشوف الفرح عم يلغي نحيبي
حملت محبتك فوق القضايا
الحملها صاحبي و خيي وحبيبي
و هواكي عاش يخفق بالحنايا
بكل مجال في الأرض الخصيبي
اجتمعنا سوا تنرد الرزايا
الأجت تعصف ب بلادي الحبيبي
جيش وشعب من احلا البرايا
بوحدة وطن عصيت عالمصيبي
و صارو حصن في وجه البلايا
البعتها الأجنبي بحلة مريبي
و يا احبابي شبان وصبايا
خلو الوطن اكبر م الطوائف
و فتن عن شعبنا كلا غريبي.
عازار الريم سورية.
تعليقات
إرسال تعليق