الناس الفالصو... ابراهيم الافندي
الناس الفالصو
شعر غنائي
كلمات ابراهيم الافندي
فيه ناس تخسرهم وبتطلع م السوق كسبان
حاول تكسبهم حتقابل غدر وحرمان
احيانا بيكون المكسب قاسي ودباح
و خسارتك للناس الفلصو تطلع ارباح
لو تخسر حد يكون حاسد
لو تخسر ضرس يكون فاسد تهدى وترتاح.
لو تخسر صاحبك الجاحد
لو تخسر وزنك الزايد قيم الافراح
وناس تقابلهم وبتخسر كل الاحزان
الراحة تشوفها بوجودهم والاطمئنان
فيه ناس تخسرهم وبتطلع م السوق كسبان
حاول تكسبهم حتقابل حزن وحرمان
و نحط املنا في ناس تانية واملنا يخيب
وناس لما نقرب منها الجرح يطيب
وناس بِنِخْلف سِكتهم ما احناش ناقصين
لأن ضمىرهم مش فاهم حاجة في الدين
هتقرب منهم وهترجع لازم متهان
دول ناس تخسرهم وبتطلع م السوق كسبان
وناس تكسبهم حتقابل غدر وحرمان
احيانا بيكون المكسب قاسي ودباح
و خسارتك للناس الفلصو تطلع أرباح
تعليقات
إرسال تعليق