افترقنا…. بقلم محمد البريمي

إفترقنا و ما إتفرقناش ..
إتفرقنا و ما إتفرقناش .. اللى بينا ما ضعش لسى ..

اللى ف القلب ف القلب .. لو كنا بننسى  ..

اللى بينا ما كانش كلام .. أو مجرد همسه ..

و ليله و تعدى بضحك و هزار .. وبعدها إنسى ..

         إفترقنا و ما إفترقناش ..

هننسى إيه ولا إيه .. اللى بينا يفكرنا بيه ..

اللى بينا وعود كتيرة .. و حب ما أقولش عليه ..

و الليالى الحلوه تشهد .. كانت بالنسبالنا إيه ..

ياما سهرنا فيها و عشنا .. و كان القمر  شايف بعنيه ..

       إفترقنا و ما إفترقناش ..

كنا بنحلم أنا و إنت .. بحاجات ما تخطر على بالنا ..

كنا بنسرح ف الاحلام .. و كان الشوق بيدوبنا ..

لو نسيتها أنا منساها .. عايشه معايا لس بخيرها ..

كل كلمه كل همسه .. منك فاكرها

          إفترقنا و ما إفترقناش ..

إفترقنا و ما إفترقناش .. السلام بينا ما إنتهاش ..

إحنا من بعض قريبين .. و الشوق ما بعدناش ..

مهما بعدنا و البعد طال .. ما نستغناش و الروح فينا ..

و لا ميت عزول هيفرقنا .. عن بعضينا ..

          إفترقنا و ما إفترقناش ..

بقلم الشاعر .. محمد البريمى .. ..