شروقية… بقلم عازار الريم

.....قطفة حبق......

شعر باللغة المحكية ..

                      شروقية جربو غنوها

           ..راكض لعندك و القدم حافي...

بابي  فتحتو من  الصبح  بكير 

                          و ناطر شي نسمة فرح  هفهافي

و لبست  روحي  جوانح  طير

                            تملي  سماكي  حب  وضيافي

و قلبي  اكتفى  ما عاد بدو غير

                            رشفة  سلافك  يشربا  صافي 

و مرت  النسمة  محملة  بالخير 

                         و فاح  الورد  نديان  ع  شفافي

و بكل  همة  رحت  جد  السير

                         عا ديرتك مدفوع بالاشواق

                        راكض  لعندك  و  القدم  حافي..

عازار الريم سورية