شهر رمضان كريم..علي عجمي
شهر رمضان كريم
--------------------.للشاعر د. علي مسلم عجمي
يا شهر الصوم يا شهر العبادي
شهر المغفرة و كلو مبادي
يا شهر الجود و الأيدي السخية
و لفعل الخير تنمد الأيادي
جاية السنة و الحالة ردية
الأخوة تفرقوا و بعدو زيادي
شو بدي خبرك ما عاد فيي
المليارات راحت للأعادي
و حَجِر بالبيت من صُبح و عَشية
الكورونا مرض ناوي عالإبادي
و أسوأ من الكورونا شوية
الغلا.و حالة الوضع الإقتصادي
يا شهر الله عا كل البرية
صوت من السما نازل ينادي
توبوا.استغفروا و صفوا النية
اعملوا و خلوا بعمايلكم إفادي
طويلة السنة و إيامك قسية
تحت الشمس بجبال و بوادي
رجال بيحرسونا من الأذية
بصوموا و عندهم همة و إرادي
برحمة و مغفرة تمنن عليي
يا ربي و على كل صايم و هادي
بحق المصطفى و آلو البهية
يا شهر الصوم مهما طال يومك
نحنا منعشقك عشق الشهادي
الشاعر… د.علي مسلم عجمي
لبنان
تعليقات
إرسال تعليق