بائعة الفل...ايمن نصر

 ( بائعة الفل )

يا رسمه الضحكه على خدك.

و فيه دمعتين في العين.

و خافيه الحزن في قلبك.

و ماشيه تبيعي في الياسمين.

و شايله هموم فوق طاقتك.

و مين يقدر يشيلها مين ؟

صحيح الهم زاد سنك.

لكن صبرك فاق السنين.

وبتنادي على رزقك.

معايه الفل و الياسمين.

و بتداري في منديلك.

بواقي دموع العين.

دروس الصبر جت منك.

يا أجمل ما شافت عين.

ده ريحة الفل من قلبك.

و أملك ده عبير ياسمين.

هزمتي اليأس بصبرك.

وكتبتي في الكفاح دواوين.

قوليلي مين كده زيك ؟

يا عطر الفل والياسمين؟

جمال صبرك شبه قلبك.

 و سبب شكوة البساتين.

عبير الورد سكن قلبك.

وساب صورته في البساتين.

     بقلم ( #أيمن_نصر )

     دمتم في رعاية الله.