عمر اتسرق... عادل داود

 . عُمر إتسرق........ كلماتى.. عـــــــــــــــادل داود..... 

عُمرإتسرق. وورق إتحرق. وأمل إتشنق هى دى. ياناس ذكرياتى

مش عارف و خايف.لاعارف أبكى على اللى راح ولا.على.اللى.آتى

انا بنى آدم كتلة شعور وإحساس. بتدبح ولاحد حاسس بآهاتى

تاجرت الدنيا بعذابى وقفلت.كل أبوابى مش عايزه غير سكاتى

آهى تزلزل جبل.ودمعى بحور. وظلام بلا نور. دى هيه. حياتى

عُمر إتسرق..... ـــــــــــــــــــــــــــــــــــــــــــــــــــــــــــــــ

حزن سارى فى الوريد. ونار بتقيد. ياترى دى.حياتى ولا مماتى. 

الدنيا بتحاكمنى بلا قضية.وطيبتى.سبب.فى.سوء اختياراتى

مش معقول تكون حياه دمعه وآه. وروح بتتعذب. مع إنكساراتى. 

مش معقول العذاب يكون مرجع وكتاب. وتوه منى كل عباراتى..

عُمر إتسرق.. ـــــــــــــــــــــــــــــــــــــــــــــــــــــــــــــــ

سنين بطفى فى نارى.لاشوفت فرحه ولا شوفت يوم عيد

لاراح يوم إنكسارى وأقول بكره يجى الفرح الجراح بتزيد

أمسح دموع تنزل دموع.القدر يكتب بالحزن سطر. جديد

بلف الكون بالطول والعرض والعذاب فرض. ونار..... بتقيد

عُمر إتسرق.. ـــــــــــــــــــــــــــــــــــــــــــــــــــــــــــــــ

من صغر سنى. مزروع فى الآهات. ولا يوم كان فيه أفراح

الكل يجى عليا ويهنى.وأنا صابر.على العذاب وكل الجراح

باسمع صدى صرختى.بدارى دمعتى.لاجه فجر ولا..صباح

وأصبر نفسى من يأسى. بعد ما كل شيء فى حياتى. راح

دعايا لرب رحيم  فى ثانيه يغير حياتى هو العليم. الفتاح. 

من كلماتى.. عـــــــــــــــــــــــــــــادل داود.....