اون لاين.فاطمة البلطجي
أون لاين "on line"
عالمدرسة
ما عدنا نروح
وبابها مسكّر
مش مفتوح
قالوا
الكورونا بتهتم
بالتعليم
يا ابن العم
وبقينا بالبيت
محجورين
وبلا جريمة
محبوسين
الصف صار اسمو
أون لاين
يعني من الواحد
للناين 9
منقعد كلنا
على التاب TAB
لو حدنا العيلة
والأب
والكل فينا
كتابو حط
هيدا إذا ما انقطع
الخط
يعني بتحس
التدريس
صاير من شغل
إبليس
وحدك
ومش وحدك بتكون
عمتحكي
وعالكل بِتْمون
والأهل بيلتزموا
الصمت
وبصرخ عخيِّ
لو نط
يعني صار
الكل محجور
وتيتأفف
مش معذور
ومن غير
ما نلفّ وندور
هيدا أسلوب
الإحباط
رزق الله
لم كان العلم نور
وحروفو بتتعلّم
عسطور
ومنوقف بالملعب
بطابور
والعلم يرفرف
مشهور
وحبّو بالقلب
محفور
والجرس وقت
البرنّ
للفرصة قلبي
بحنْ
تناكل ونلعب
ونجن
ومنركض وقت
الفلّي
حاملين شنطة
وسلّة
شو فرقت معي
كتير
لم صار الدرس
تعتير
يا دولاب الدني
ابروم
ونرجع عصفنا
المهضوم
بعد الأونلاين
يا دِلّي
شو حيتغيّر
بالتعليم
فاطمة البلطجي
تعليقات
إرسال تعليق