غاب الفرح عن بابي..عاطف فؤاد بطرس
.. موال.. (🔆)
🎲
غاب الفرح عن بابي
بعت له مرسال
أم جاني بجوابه
يسألني أيه الحال
راح يسأل عن حياتي
و أحوال العيال
أنا قلت أسكت يا خلي
دا الحال عال العال
الدار بعيده عني
ضاقت بأم العيال
أما العيال
يا خال
كبروا أشتد عودهم
و الحال غير الحال
وخداهم الدنيا
و شاغلنهم العيال
أتفرقوا يا خلي
و كل جدع بيفتل لنفسه حبال
شايفين شواشي النخيل
قالوا يطلعوا فالحال
أنا قلت أصبر يومين
و أرخي لهم الحبال
طلع الزمن عايب
بيبدل الأحوال
أنا قلت أكتب وجيعتي
و أغني بيها موال
أصل الفرح غايب
و أنا ماشي فيها رحال
🌱و عجبي🌱
آدم 🔆
💫💫💫💫💫💫💫💫💫💫💫
✒️ الأديب د : عاطف فؤاد بطرس
تعليقات
إرسال تعليق