مش عايز منك حاجة..صلاح منير
مش عايز منك حاجة
قصيدة عامية
بقلم: صلاح منير
مش عايز منك حاجة
غير أنك تبقى سعيد
طول ما أنا شايفك بسعادة
فرحتي بالدنيا تكبر وتزيد
ان كنت لغيري ومش معايا
وان كنت قريب ولا بعيد
سيرتك حتعيش دايما جوايا
لا أنا أناني ولا بالحب عنيد
قلبي ما يعرف أبدا كراهية
يسعد دايما لو حبه سعيد
الحب ما فهوش أبدا أنانية
الحب عطاء مش ملكية تعبيد
وأنا قلبي يعيش أحسن عيشة
لما يشوفك راضي سعيد
مش عايز منك حاجة
غير أنك تبقى سعيد
صلاح منير
مصر
تعليقات
إرسال تعليق