يلا نادوا ع اللي ماتوا... شاذلي محمد حسين
●●●●● في رثاء والدي رحمة الله عليه ●●●●●
يلا نادوا . ع اللي ماتوا
وإندهولي . أبويا مرة
ييجي . يحضني . ويمشي
دي الحياة . من غيره . مرة
كان معايا . في كل لحظة
جه وسابني . بقاله فترة
حتى في الحلم . مفارقني
كل مرة . يقولي بكرة
كان وجوده . جنبي كنز
في الزمن . كان أغلى . درة
مهما احكي . مش كفاية
مانا عنده . كنت . قرة
كان سند . بيزيدني . قوة
سابني . وحدي . لدنيا . فاجرة
ولما تيجي . بس . سيرته
تبقى عندي . أحلى ذكرى
أصل أبويا . كان حياتي
وأغلى منها . ١٠٠٠ مرة
واللي فاضل . ليه . معايا
دعوة . بالرحمة . ومبرة
يلا نادوا . ع اللي ماتوا
وإندهولي . أبويا مرة
ييجي . يحضني . ويمشي
دي الحياة . من غيره . مرة
●●●●●●●●●●●●●●
في رثاء والدي رحمة الله عليه وغفر له واسكنه فسيح جناته وجعله من المكرمين الذين يستحقون جناته بغير حساب
ولا سابقة عذاب اللهم آمين يارب العالمين
كلماتي/ شاذلي محمد عبدالرحمن حسين
تعليقات
إرسال تعليق