يا ولادنا... احمد محمود
يا ولادنا
يا ولاد بلدنا
في حد فيكم
شاف بلدنا
جايه منين
ورايحه فين
ولا انتوا زيي
نظركم ضعيف
ولا بعين واحده
ولا بعينين
انا شايف بلدنا
نورت وفتحت
والورد فتح عل الخدين
شايف الشوارع
والكباري نورت
شايف الصحاري
اتخضرت
شايف الأمان
شايف ولادنا
عل الحدود زي الاسود
وشايف كمان
ولادنا حاطين
الايدين علي الخدود
هم وزعل
وشايف جنازات
ومافيش جوازات
وكتير كمان بحضر عزا
والفرح مرة في السنه
او مرتين
الحزن بقي زي
العنكبوت
عشش وناصب
شبكاته علي البيوت
والفرحة هربت مننا
شايف الشباب
شعره شاب وقلبه داب
والبنت عدت
تلاتين سنه
ولسه بينادوها ياانسه
كفايه كده عل الحجر
نظرة حنان بقي للبشر
نفرح معاها كلنا
وكده مش كتير
علي ولادنا واهلنا
الطيبين
اهل مصر
احمد محمود
تعليقات
إرسال تعليق