ليه تتبعي الصمت... اسامة جديانه
ليه تتبعي الصمت البالي
هو الكلام محتاج صكوك
لما الحب دخل في مجالي
فرح النبض و قال مبروك
***
قلت يا فرحة قلبي تعالي
نحلم في لحظة شروق
سمعت صوت الحان موالي
قالت ارحل يا المعشوق
بتقول مغرم بجمالي
و اللي رماني عليك الشوق
صوتك لم يمر على اذني
كأن الحرف طالع مشنوق
ولا الكلمة معاك بتعاني
خارجة من بين الشقوق
قلبي اللي حبك بتفاني
نفسه في كلمة وباله يروق
و الأحلام ممزوجة بأماني
حبك يسري بالعروق
اخرجي من صمتك و تعالي
ولا الحرف غاوي العقوق
كل منايا تكوني حلالي
خيط في الابرة القلب يفوق
(((أسامه جديانه)))
تعليقات
إرسال تعليق