اعرف معنى الحب... اسامة جديانه
اعرف أول معنى الحب
قبل ما تظلم قلبي معاك
تكذب مره تلاوع مره
عمري ما هقع يوم في هواك
خليك صادق يوم في مشاعرك
تلقى القلب يقول أهواك
لو تتكبر أو تنساني
مش ها استحمل يوم أساك
أصل الحب عطاء وتفاني
قلبي ماعمره في يوم ينساك
الحب مش بس كلام
اصل العين دايما شايفاك
شافت كذبك بين شفايفك
مهما كذبت العين فضحاك
المسأله لو بس كلام
ممكن أقول دايبه في هواك
وافضل أقول وأغني عليك
لكن كذبك حطم قلبي
لكن اعذرني انا فهماك
تكسب قلوب الناس بكلامك
روح للي يتمناك
لكن انا ارفض إحساسك
و ارفض اكون نجمه في سماك
اصل انا صادقه قوي في مشاعري
هاعيش الحب لكن
مش معاك
(((أسامه جديانه)))
تعليقات
إرسال تعليق