قلمي مخاصمني... احمد محمود
قلمي مخاصمني
شكله كده زعلان مني
ومش راضي يكلمني
مالك ياصاحبي
احنا ياما قولنا
عن كتير حكايات
وكتير روايات
عن العشق والغرام
وعن الهجر والألم
وياما سهرت ويايا
محتاجلك ياصاحبي
تكتب اللي جوايا
عن الأمل
اللي اتزرع جوايا
وشجر الأمل
اللي طرح عناقيد
العشق جوايا
اكتب وقول بإقلم
انا بالأمل
حبيت العشق بزيادة
وعندي أمل كبير
في بكره الحلو بزياده
ويابكره قرب بقي
وهاتلي من الحبيب زواده
بذرة أمل
تنور حياتي وزيادة
وأصرخ وقول بإقلم
انا بالأمل
اتحقق حلمي وزيادة
قلمي صالحني وقال
اللي جوايا وزيادة
وحيبت قلبي العليل
ورجعله الفرح بزيادة
دي الحياة من غير الأمل
لا ليها زاد ولا ذوادة
قلمي صالحني
احمد محمود
تعليقات
إرسال تعليق