المخدرات... بلعباس مختار
★ أرقى نص يومي حول : المخدرات ★
* قصيدة زجلية غنائية باللهجة المغربية *
يا ولدي آش تدير ؟!
راه كلشي تتعرفو
و عليه ديما تتعامى
راك لخير شايفو
و شر ليه تترامى
يا ولدي آش تدير ؟!
يا زهرة شباب
باركة من تخدير
و الله قلبي طاب
نشوف فيك تتعذب
في أخبث حالة
على واقعك تتهرب
و عليك لبلاد عوالة
يا ولدي فيق و نوض
حيد لكسل عليك
لصوابك رجع عود
لزمان يطويك و يديك
رجع ز على ما تدير
و سم لي تتشرب فيه
راه بزاف ما دير
في لحين تشغل عليه
لحياة راه كلشي فيها
ليوم ضحك غدا تبكي
قبل و ارضى بها
و للخالق توسل و شكي
تخدييير يديك لهلاك
و لقيام بلعمال لقبيحة
يالله حيد علي بلاك
أراك لعمال صحيحة
نوصيك جتاهد و قرا
و تبع طريق لواضح
نسى أولدي ما جرى
في حياتك تصبح ناجح
عن رفاق سوء بعد
لي يجروك لمعصية
و تبع لي معاهم تسعد
لي ينهيوك على لبلية
توضى و نوض صلي
و تصالح مع الله
يغفر ليك و تولي
سيدي من أهل الله
الشاعر و الزجال الغنائي و القاص
ذ . بلعباس المختار
تعليقات
إرسال تعليق