كل شي في المشاعر… كلمات الشاعرة بتول العتربي

كل شئ فى المشاعر
قلبى هوه يحس بيه
قلبى شاف كل الجراح
حتى يوم عمرى إللى راح
رحت أدور ع القلوب
تاه مصيرى فى الدروب
والتقى قلبى بحبيبى
بس كان لحظة يادوب
دبنا فيها فى قلب واحد
والتفت فى لحظة تانية
قوم لقيت واحدة ثايرة
كات فى قلبه وفى عينيه
حتى فى لمسة ايديه
يومها منها عرفت إنه
يمتلك سحر ابن أيه
من كلامه الحلو يأسر
كل واحدة تميل إليه
عقلى قال لى خللى بالك
طب ومالك خايفة ليه
ابعدى لو يوم يقابلك
اهربى لما تشوفيه
بس لو طاوعنى قلبى
كل شئ ح أقدر عليه
وانتبهت كنت غارقة
وفى حياتى قصة ليه
أعمل إيه لو يوم قدرنا
جمع الأشواق فى دارنا
قلبى مش ح أقدر عليه
هيه كلمة قلتها له
انتهت كل الحكاية
م البداية للنهاية
وانتهى أمرى دا كله
والمشاعر ساكنة لكن
ذكرى ح تفكرنى بيه
# بتول العتربى