العاقل..ل..ملك الاصفر

 العاقل

.....................................

العاقل بكسب كل الناس

ومنو ما بينفرهم

بيشغل عقلو بالراس

وبأفعالو بيسحرهم 

مابيحمل سيف ومتراس

وعلى طول بدو يحاربهم

المحبة هية الأساس

حاول تتقرب منهم

................

لا ترخي كتير ولا تشد

ولا تنفر كل صحابك

ولا تقطع أحبال الود

بينك وبين أحبابك

خلي كلماتك من شهد

ولا تسكر كل بوابك

وانشر عطرك متل الورد

بهالدنيا عيد حسابك

..............

العالم بتحب التواضع

لا تعمل بيك ووزير

وتتحلى بإذلال الناس

بتصير بعيونن حقير

كلنا من حوى ومن آدم

والراقي راقي التفكير

إيدو ممدودة للخير

بأخلاقو بيبقى أمير

........................................

ملك محمود الاصفر