حقل غاز ..ل..صبري رسلان

 حقل غاز   (235)

..............

الله يجازي اللي

نصح  وقال جواز 

ما قالش حاجه عن النكد

ولا حقل  غاز  ..

ولاطقم تحضير  للزعل   

كبريت وجاز ..

الكدب خيبه فيه عسل

ويومين لذاذ  .. 

نقينا من وش القفص بان طبعه  غاز

لو يوم تقصر عن طلب 

ولا فيش فلوس  ..

قادرة في لحظه تشتكيك 

وتقول جاسوس ..

شاط  أكل منها وإتحرق

كان أو يجوز 

تنطق بكلمه حضرتك 

أو  حتى  بوز 

حافظ خلاص بكرة النكد

فردين وجوز  ..

ما أحناش ملايكه إنما 

بخت وحظوظ ..

مكتوب علينا من النكد 

كالو  وبزوز  ..

وشريك ينجي حضرتك

حلال يجوز   ..

خلاص وجت  ساعه القضا  تهدى  النفوس

إما  تغير  طبعها 

أو .......  يجوز 

بقلم ..  صبري رسلان