فكرة..ل..ناصيف شرباجي

 🌹🌹فكرة🌹🌹

برسم حلمي عالفكرة وببعتها ليك

حتى عود أحلامي ع الغيرة عليك

ولولا طيفك متعالي ما سوى هيك

رد لي من أحلامي الصبا الشباب

و كلما بتمنى عيونك لحن وإيقاع

تولع في قلبي اللهفة لتبقى اوجاع 

بعزة صمتي بندهلك تعال ارجاع

داوي النزف بجروحي لو بالرضاب

لاتقلي وقتي معبى وكتير مشغول

وماعندي خبرة عاشق درجة مقبول

بهزعروش المعمورة حسب الأصول

لأعمل منك قضية وادفع الحساب

روح دور ع محامي اعملوا توكيل

يخلي القلب بدقاتوا يرندح ويميل

لو كان في عندك رغبة تنشر غسيل

حمل نظرات عيونك كلمة وعتاب

سيطر لوكنك عاشق على الحلوين

على قلوب الحيارى و ع السهرانين

ولو عندك شك وريبة في القوانين

كلف قلبي بوزارة ومجلس نواب 

ناصيف شرباجي /سوريا