أنا والحب..خالد فاروق
" سمك 🐳 - لبن 🍼 - تمر هندى 🍺 "
( أنا و الحُبٌّ)
▪︎تانى بقولها ومن غير كِدْب
▪︎(أنا معرفش كلام ف الحب)
▪︎أو ع الحيطه أشخبط قلب
▪︎وأرسم صورة لشابه وشاب
▪︎تعرف منها وإن كان صعب
▪︎أكتر واحد منهم ...(حَبِّ)
▪︎وعشان أنا ف الحب مدَبّ
▪︎طبعا هسمع شَتْمُ وسَبّ
▪︎واللى يقوللى "تَبَّا....تَبّ"
▪︎ومش مستبعد آكل ضرب
▪︎وإنى أواجه أصعب حرب
▪︎ولا هستحمل شَدّ وَجَذْب
▪︎إهدوا شويه يا اهل الحب!!!
▪︎ده أنا إنسان له نبض وقلب
▪︎لَيِّن ...هَيِّن،مش حاد صلب
▪︎أنا دِيتها ....صعيدى الأب
▪︎لينا تقاليدنا وعُرْفِنَا صعب
▪︎حُبِّنا مَلَكٌ الروح والقلب
▪︎بس الحب بتاعى عفيف
▪︎أيوه نضيف بس عنيف
▪︎بصراحة وبدون تسويف
▪︎اللى بحبه بحابى عليه
▪︎وأبقى عنيه وكل ما فيه
▪︎روحى وقلبى مِلْكِ إيديه
▪︎مش قولتلكم أنا خيبان
▪︎ومبعرفش أكون سهتان
▪︎مِنْى لنفسى حِلو و جان
▪︎تسمع منى أحلى لسان
▪︎وأما بقابل حُبّ حياتى
▪︎أنا كومبارس مش فنان
▪︎هفضل أحبك جوه سكون
▪︎وأعشق كل ما فيكى بجنون
▪︎و ف ملكوتك هفضل أسافر
▪︎ده إنتى حبيبتى كل الكون
عجبى!!!
(خالد فاروق)
تعليقات
إرسال تعليق