اوعيت على الدنيا...ابراهيم رمضان
قصيدة الكتاب للشاعر ابراهيم رمضان
أوعيت ع الدنيا
ونا شايف الناس
بتقرا في الجرنان
ومن ايد لايد
أصبح ليه سمعه
والكل بيتلهف
يغرق جواه ويعوم
في بحر العلم
اللي من غير شطوط
ولما كبرت
حسيت بنفس اللهفه
وبقيت غرقان
في بحر العلم
ومن موجه لموجه
يعلا طموحي
امسك في. كتاب
يمسك فيا
واعيش في عصور الحريه
ومسك بالسيف وأحارب
في فتوح الشام
وصرخ من جواي
كأني معاهم
وفرح وحزن وتشاهد
واقول الله
اتمرجح في روايه وقصه
وأدوب في اشعار التايهين
واقول الله يرحم من ماتوا
علشان نصحا
ونبقا من الحيين
كتابي
كان هوه العنوان ابتاعي
ويحلف لازما يتشاقى معاي
وارتب من جواه افكاري
ورجع لكتاب المولى
وسمي الله
يجلي في قليبي صدا
وسجد واقول يا حول الله
انا عبد الله ومليش غيره
انجدني يارب من خلق الله
تعليقات
إرسال تعليق