أنا مسافر..محمد رمضان
أَنا مسافر
كلمات الشاعر محمد عبد العزيز رمضان
أنا مسافر ومش راجع
ومش هفضل أسير لهواك
أنا مليت كمان منك
بعيد عني وأنا وياك
وأوعي تفتكرني هضيع
أنا هقوي وراح أنساك
هعدي بحور وموج عالي
وهنسي إني كنت معاك
سهرت كتير أناجي الطيف
وأنا فاكر بإنه ملاك
طلع خاين كمان بايع
ومن إيده سقاني هلاك
خلاص أنا فقت من حبك
ومش محتاج كمان لدواك
وعهد الحب كان كلمة
دموع وعذاب طريق أشواك
أنا مسافر ومش راجع
وهنسي إننا أحباب
ولو هتقولي يوم أرجع
هقولك لا بقينا أغراب
بنيت بيني وبينك سور
لاهمك لوم دموع وعتاب
وأوعي تفتكرني نسيت
كفاية خلاص أمل كداب
رمتني في بير مالوش آخر
وطبع الغدر فيك غلاب
ومركب حبنا غرقت
وموج عالي سنينه عذاب
وطعم الظلم كان علقم
وبكرا هيبقى بينا حساب
وأوعي تفتكر نفسك
لقلبي هتفتح الأبواب
خلاص هو كمان سلم
ومش هيقولك الأسباب
تعليقات
إرسال تعليق