عيونك..ابو سلام البصري

 ‏عيونك 

.........

بيش اوصفك يلي حتى الوصف يعجر عن فتونك والعذر 

شرد اكلك يلي كلك عيون ونظر 

ليل لون العين ادعج وبها من نور الفجر

بحر هنه ومنهو كادر شلون يوصف له بحر 

يا ضفاف انهار يا ورداات يل كحلك نهر 

والرمش يتراقص عليهن مغرب وتاليه ال عصر 

شنهي العطر انته هو ,دمعاتك ال جرتني جر

اشوي اصبر ارجوك  يل شوفنك عمر      

يا قمر وما حويتك لا لكيتك بالسمه تطير وتفتر 

يا بصر وانت البصر وشكثر  من حورهن انته مغتر

 ياحلات ال عين عندك صار كل عشك دهر    

اني دورت اللغات وما لكيت غير بس لوم وقهر

   ماكو بالهجات كلها حروف  تليق بيك من الشعر 

راح اكتبنك  من جديد حروف ما وصفت نظر

لا كتبها كتاب لا حواها دفتر لا خطها حبر

نثر  من وهج القلب بقلم من عقل وفكر 

نخط من دموعي والله مرة ومرة من صافي البصر,

من كتبتك اصفنت ما رضيت,بما كتبته من السطر

ومسحت كل الكلام صعدت فتش  فوك بحدود القدر

من وصلت عن العرش من تحت رجله  ومن الاثر

جبت حرفك,نور نجمات ومن الشمس وشويه ضي من القمر

وصغت اسمك  ذهب ياقوت من اغلى الحجر

ورسمت بسمة عشكنه صار قانون وذكر وانه مثل السحب طاير ومر

 لنها صاحتني الكواكب همسة باذني ,شويه در

صوتك انته يكول احبك كتله انا اكثر من المطر 

كل سنيني صرت احبك انت يا اجمل ولف وحله قمر 

يا بحر ونهار ويا ورد ورمش يا سعادة ودنيه ,وبشارة نصر

يا جنه  ما وصلها بس حبيبي ,يل جماله عيون وتحولت بشر 

.............

ابو سلام البصري