مشفتوش..شريف الرومي

 مشفتوش ( حبيبي رسول الله)

&&&&&&&&&&&&&&&&&&

مشفتوش...بس عارفه

لما وصفوه اللي حبوه.

ما وعيتلوش...بس حسه

لما نصفوه اللي عادوه.

ما قابلتوش...بس حبه

جوه قلبي مافيش اخوه.

حد يسأل هو مين؟

طبعا الصادق الأمين.

اللي ينكر فضله جاحد

حتى لو هو كان مين.

٪٪٪٪٪٪٪٪٪٪٪٪٪٪٪٪٪٪٪

كان بيرعى حق غيره

حتى لو غيره كان عدو.

كان حبيبي غفور رحيم

واللي ظلموه يشهدوا.

٪٪٪٪٪٪٪٪٪٪٪٪٪٪٪٪٪٪٪

قال علينا ان احنا احبابه.

قالها قدام كل اصحابه.

لو اطول اعيش له خادم

او اكون حارس على بابه.

٪٪٪٪٪٪٪٪٪٪٪٪٪٪٪٪٪٪٪٪

كان سلام بيخطي ع الأرض.

كان نسيم لو وسط نار شرد.

وشه نور ريقه عنبر .

لمسه من كفيه تجبر.

٪٪٪٪٪٪٪٪٪٪٪٪٪٪٪٪٪٪٪٪

لو بتدعي و قولت اسمه

كل دعوه مستحابه.

ربي بعته لينا رحمه

ده شفيع كل الغلابه.

٪٪٪٪٪٪٪٪٪٪٪٪٪٪٪٪٪٪٪٪٪

جاتلي فرصه اهيم في حبه.

و الله نفسي اعيش في قربه.

بدعي ربي انول مرادي.

و ابقى طول العمر جنبه.

بقلمي: شريف الرومي ٧/٢/٢٠١٧