بوح الغزل..علي عجمي
بوح الغزل ...
-------------------
مبارحة بالليل إنتي و نايمة
شفت نحلة فوق منك حايمة
و من بعد ما نقَّـط ع المخدة عسل
خرجت و بتقول سفرة دايمة
حبيتها و بالمدرسة صرنا صحاب
و أخذت كتابي تا تشوف دروسها
و مطرح ما لمست إيدها وراق الكتاب
صفحة و صغحة صرت ضمها و بوسها
صافحتها و.حطيت إيدي بإيدها
مرة. و شو تمنيت لو بتعيدها
عطرها و إحساسها بإيدي لَزق
دايم و كلما ذكرتها بيزيدها
النحلات عالشهد اللي عندك حايمه
تبرم حواليكي بصورة دايمه
تعجبت كيف الشمس طالع نورها
و إنت بعدك عالمخدة نايمه
حطيت صورتها مع الوردات
فاح الورد بالعطر و الآهات
و كلما صبية تْمُـر صبحيات
الوردة تغازلها بتنهيدات
صار الورد مغرم بصورتها
و شو رح بسوي ان شافها بالذات
الشاعر… د.علي مسلم عجمي
لبنان
تعليقات
إرسال تعليق