عبير وحب...عازار الريم
. قطفة حبق
عبير و حب
شعر باللغة المحكية
صدفة التقينا و الحلا عليها حلي
و كانت رفيقة من زمان اللي خلي
شفتا حزيني مكبلي ب اوهام
و مالت ل صوبي مأهلي و مهللي
و ياما عشت ب الشوق و الأحلام
طلعت حقيقة دامغة وضحت إلي
و الشهد دايب عا ثغرها البسام
و خدود متل الشمع عم يسلو سلي
و عيون عزفت إلي أنغام
فيها عتب فيها حكايي مكملي
وجبين مضوي ب نعمة الإلهام
يكتب ع لوح العمر ابياتو
و كومة عبير و حب يحمللي..
عازار الريم.سورية.
تعليقات
إرسال تعليق