حق ملكية...عزه حسني

 قصيدة بعنوان حق ملكية/عزة حسنى

----------------------------

كل اموال الدنيا لا تعوضنى ..

لو اتنزع  من حضنى بنتى أو ابنى .

لما تجلى وحى الهامى .

وحضرت الفكرة واتولدت ادامى .

كان ليها طعم الوليد .

وهو بيبكى بخروجه .

وبكائى فرحة وعيد .

بستنى يكبر وتكبر معاه احلامى .

واشوف ف عيون الناس 

تقدير لفكرة أصبحت كلمة وذكرى .

ممكن فى يوم تتغنى وتكون وحى أنغامى .

ويجى اليوم تتعمل فيه ندوة .

تتناقش فيه القصيدة والكلمة .

اللى كانت فى يوم مجرد فكرة 

ويصبح الحلم حقيقة .

ويكون لى بين الكتب اتباع وطريقة .

لها حماية وحقوق من نشل أو سريقة.

           عزة حسنى