الله على الدبله...عزه السيد
الله علي الدبله اللي في إيده
مع رعشة صوته وتنهيده
بيقول إني نبض وريده
وان القلب من غيري حيران
.....
بيقولي ان السكه أمان
وان العشق بقا في الإمكان
ويقول للقلب كفايه جنان
وأنا بكلم نفسي من التوهاان
لو حد كويس مش هيخون
لو شايفه الفرحه في عينه هكون
......
ماهو قالك انتي الدفا والفرح
جوايا من غيرك ميت جرح
طول عمري بدور علي الاحساس
بوجودك انتي اهو دمل الجرح
......
انا مجنونه ودماغي طقه
قلت استنا مقلش أنا لأه
وهشوف آخره عايز ذقه
.....
طب لو شاري غيري.... تبيع
سيبها وتعالي إفتح مواضيع
بصلي وعيونه بتلمع بدموع
مقدرش أسيبها ولادي تضيع
......
طيب وانا إيه يجبرني
اتجوز واحد هيخَوني
لما يلاقي أجمل وأحلي
ولا هيكون لها ولا هيكونلي
....
قلت اصارحه وأقول مقدرشي
لو مش ليا لوحدي روح إمشي
قاعد بيحاور في...... كلامي
وكأنه شايفني...... ومبقولشي
طيب لو........ حابب تبقالي
ماتقوليش......... أم عيالي
وتكون لي لوحدي ولحالي
طول الاسبوع
....
قالي الشرع قال العدل
وكلامه كان عين العقل
وسمعت كلامه فيه التقل
وانا بضحك والضحكه علي مهل
......
قلتله والعدل انك تتحب
وتسيبها لوحدها جوا الجب
انت تعيش....... وهي تطب
فين العدل يا سيد الناس
يااللي بتدور علي الاحساس
وكلامك مافيهوش إخلاص
إرجع لولادك............. ولبيتك
بطل ضحك علي بنات الناس
وعجبي
عزه السيد
تعليقات
إرسال تعليق