اوقف...ياسمين عماري

 أو قف قبل ما مع الحرة تهدر 

ومتجيش على النسا وتتشطر 

في سوق الرجال راك متسواش

وتاريخك عندي راه متسطر 

المجنون عليه ما يتقاس

وكلامه ما يتهز حتى يعقل 

يدور. بين الناس كي الوسواس

وفي عرض النسا راه يبهدل 

هذا لكلام… .عيب وعار 

ودوني عمر ما يتبدل 

عمر الذهب ما يعود نحاس

اعوذ بالله من هذا الوسواس

الناقص ينفخ ريشه كي النعام 

ويكذب ويزوق في لكلام 

يقول هذا حلا ل وهذا حرام

وهو القبلة… ..ما يعرفهاش

يا خوتي النفاق فيهم متجذر 

يا سامع لكلام منهم احذر 

ينعتولك من الخير قنطار 

وفي اول عركة يصهدوك بالنار 

الله غالب هذو مخلفات الاستعمار

بقلمي ياسمين عماري

30 ماي 2021