ديمة السورية... عازار الريم
. قطفة حبق
ديمة السورية
شعر باللغة المحكية...
ديمة... فسحة مدى
في عالم التحنان
شجرة امل
عربشت ع تلال
كبرت و صارت
بحجم الفرح
احتلت عمق الذأكرة
وسكنت حوافي القلب والوجدان
. . .
نبعة نقية
بصحراء مافيها ... مطر
حزمة وعي
بين الإرادة... والعمل
نغمة رقيقة
طيبت صوت الوتر
هيك الدني
ساعة صفا
شتلة وفا
خطفة جنون
. . .
لما كنت متلك
تعلمت كيف الناس بيجنو
و كمشت كمشة ضو
و هربت فيها
وبعدني هربان
خايف حدا مني يخطفا
و يطمس الالوان
و ابقى بدنيا.. معتمي
يضيع فيها الحب
ويتصحر.... الإنسان
و على كتافي
تنبت شجرة فزع
و يضيع مني الحل
و ضييع البرهان
.. .. ..
تعمدي بنار المحبي
و شعللي الانوار
زرعيها بليل
ضايع من نجومو
اركبي جانح
مفلوت من اسر الزمن
و تعمشقي بخيال
شاعر منزوي .....
بين الحقيقة و الوهم
فسحة ضياع
فيها محطة
للتأمل و الهبوط
فيها سلالم
للترقي و الصعود
نقي شو بدك
و إذا بدك حياة
اركبي متن الريح
تا تفكي القيود
.. .. ..
عشتار ستك
حقيقا .. مأكدي
و بلتيس اختك
للحياة مجددي
و حرف صب النور
عالكون الفسيح
هيدا... مجد
من موطنك...... طل...و..بدي.
عازار الريم سورية.
تعليقات
إرسال تعليق