فك التكشيرة... عبدالله رجب
فك التكشيرة.
عبدالله رجب ابوعدنان
فك التكشيرة
وفضها سيرة
كنت فاكرها اميرة
وترمح فيها كما الرهوان
تترمي ف حضنك
وتقولك بحبك
تفرحك وتسعدك
وتحزنك و تبكيك
شوف قالتها لكام إنسان
الخوف من بكره
والليل والعتمه
ساعات ريح شديده
وساعات زي النسمه
ويا محلا البسمه
توزعها ف كل مكان
حسبنا كتير وغلطنا
وندور على حاجات تفرحنا
لكن اللي بيجرحنا
تكشيرة تغيم على مطرحنا
وتبات لوحدك زعلان
ارسم بسمه على شفايفك
وسلم على حبايبك
وازرع حب وخير لأهلك
ودور ها تلاقي حد بيحبك
بس حاول تخليه فرحان
بتتالم من جواك لكن أصبر
اضحك وارضى بالمتقدر
ليه على طول مكشر
الهم بيخلي الطعم ممر
سمي وصلي وكبر
واطلب من الحنان المنان
الفرحة سحاءب رحمه
والدنيا مجرد زحمه
والفول والعدس زي اللحمه
يآرب تدوم النعمه
والتكشيرة بتموت الحب بين الخلان
تعليقات
إرسال تعليق