الأصالة... علي مسلم عجمي

 ( الأصالة ) للشاعر  الدكتور علي مسلم عجمي 

---------------

بطبيعتها النفس فيها أصالة

و كرم أخلاق و رجولة و بسالة

و مبادي و تضحية فيها و مُروِّة

أصالة نهج بالخير و عدالة

الأصالة راسخة بالأرض قُوّة

أساس و عا أساسو الراس عالي

أصيل ان عاشرت بتزيد نخوة

لأنو مثقف و حامل رسالة

الأصالة مثبَّتة بعزم و فُتُوة

نفس حُرّة عطت للعِز هالة

بِتْقَـدِّر و تعرف شو الأُخُوة

بعهد ثابت على نهجو مِثالي

الأصالة نور بيظلّو مضَوّي

المبادي ان سيطر عليها جهالة

الأصالة بتخلق هدوء و تروي

بمواقف بدها حكمة و تعالي

لا تفتش على  البنت الجميلة

خدودا مزركشة بورد الخميلة

حسب مكياجها بتصير وردة

و لو كانت بشاعتها متيلة

فَتِّش عالأصل ما تكون وحدة

بلا أصل و ما في إلها قبيلة

الأصيلة بأصلها للشرف عُهدة

و ما بتخونك البنت الأصيلة

 اللي ما عندو أصل . فيسوء نِيّة

بلا فصل و علاقاتو ردية

كريم الأصل متل الغصن حاني 

كلما حَمَل أثمارو الشهية

لغتنا الما لها بالضاد تاني

بنقيضين الكلام اليعربية

أصل واحد اختلفوا بالمعاني

نقيض بأسود و أبيض سوية

الشاعر د.علي مسلم عجمي 

لبنان