صورتك في غربتي... خيري خليل
صورتك فى غربتي شعر خيرى خليل مصر
صورتك حبيبتي فى غربتي مبتفارقنيش
ذي الهوا والميا بتنفس بها واعيش
بتملا سمايا نجوم بتشيل من على كتفي هموم
يوم ورا يوم يحلم قلبي باللقا
الإيد لسلام الإيد متشوقة
واقف على شط بعيد صوت امواجه تنهيد
شعرك جدايل اشجار المسافات منها تنهار
بيوصل مراسيل تراتيل حب جميل وأشعار
عيونك حبيبتي فى غربتي سلوتي وصحبتي
بتصبر بهم على الأحوال
يتقلوا بكنوز المال ومهما اشوف من جمال
محال محال انساهم القلب دايب فى هواهم
صورتك حبيبتي فى غربتي بتقويني
أكمل المشوار افوت وسط النار
شايلها فى نن عيني وهي نهاية المشوار
تعليقات
إرسال تعليق