مصبر نفسي... نور الدين محمد
(مصبر نفسي ع العيشة)
ومصبر نفسي ع العيشه وعمر بيفوت
وبنده بس مين يسمع آهات الصوت
سنين العمر بتعدي
وما ينفع نأخر موت
وفيه ناس ياما عايشه
ودايره فى ساقيه بالنبوت
مش طايله تاخد أنفاسها
مجبورة ع الوجع بسكوت
شاربه المر بزياده
تقول ع المر أطعم توت
فى بحر الهم غرقانه
بتطفح كوت
وفيه ناس بتضحي عشان تعيش
أيام كتير بتدفعها تكون بقشيش
نهارهم مرار الهم ساقيهم
وليل كوابيس
رفوف الهم مليانه
عشان ينسوا بقوا دراويش
زمام الأمر مش ليهم
في ايدين حرافيش
حتى النوم مفيش راحة
فراش دبابيس
أمتى الدنيا تضحكلي
وأشوف نفسي في بكرة عريس
ولاد عاصية وزوجة فاشلة
وحمى قادرة وعيشة غالية
وزوج طالح مفيش صالح
وتقليد غربي فى الأطباع
فى غيرهم لسه فيه كوابيس ؟
بقلمي نور الدين محمد
١٢/١/٢٠٢٣
تعليقات
إرسال تعليق