نزرع حب... عماد الابنودي
$ نزرع حب $
بقلم / عماااد الأبنودي
•••••••••
قبل ماتصدر كدا أحكامك
و تسىء الظن ياما بغيرك
راجع الحسبه معاك و إتاكد
وسعتها راح تعفى ضميرك
بلاش انفعالك ده يعميك
و يتهيالك ياما حاجات
حكمك تملي مش يعفيك
أو يبرر في الأتهامات
دا احنا بشر مش ملايكه
عايشين ف توب الحملان
بلاش أحكام تكون قاسيه
و تنصب ليها ألف ميزان
ليه الخلق كده متغيره ...
و ليه القول ...؟ قال و عاد
هيه العقول مالها مقفله
للدرجادي سايقه العناد
شوية رحمة برضو هتفرج
و نزرع حب لو قيرايين
دي الكلمة الطيبه لما تخرج
بيدوم أثرها ياما سنين
بلاش الغل فينا يتملك
و كل دروبنا تبقا فراق
ما تيجيوا نخلي حبنا يملك
بزرعة تكون مليانة اشتياق
راح تصير حياتنا نعيم
و أيدينا يدفيها حضن حنين
و مادام قلوبنا دوما صافيه
بالخير و الحب مليانين
بقلم
عماااد الأبنودي
15 , 1 , 2023
تعليقات
إرسال تعليق