جينا ع الحقلة....بقلم ملك الأصفر

جينا عالحقلة جينا
.............................
جينا عالحقلة جينا
والمطر نزل علينا
والأرض شربت المي
ورقص الشجر حوالينا
وشفنا العشب بالبستان
والزهر بعدة ألوان
واسمعنا صوت العصفور
عم ينشد أجمل ألحان
..................
وشفنا الأعوج والمية
وعالضفة قعدنا شوية
وشكرنا الرب المعبود
على هالقعدة الهنية
ويارب يدوم الأمان
ويبقى للوطن عنوان
سوريا يا بلد الخير
يحميها الرب الرحمن
..................
جينا عالحقلة جينا
نكتب على ورق الكينا
يارب تدوم الأفراح
والله ينور علينا
ونكتب على ورقات الحور
الشعب السوري كلو نسور
بالروح بيفدي سوريا
تا تبقى تشعشع بالنور
....................................
د . ملك محمود الأصفر