كنت مره كنت اسامح...بقلم احمد عبد الحق

كل مره كنت اسامح
عشان بحبك
مكنتش عاوز اجرحك
واجرح شعورك
وكنت لما تتدلعي
وتتمخطري
برضي غرورك
---------------------
تعال ياقلبي نتحاسب
وهات حبيبتك وانت جي
واياك تقول حاسب
فاكر لما اتعهدنا
علي الغرام
لما عشقنا لحد ماالعشاق
كتبونا احلي كلام
عشنا هيام
واتحولت بنا الحروف
واتذوقت صبحت كلام
شايف ياقلبي
كله راح
الكلام مبقاش كلام
والشعوراللي جوانا
اتبدل رخام
بتقولي اسفه
مستحملاك غصب عني
امبارح كنت حاجه
اغلي حاجه
والنهارده مبقتش عندي
امبارح كنت حلمي
كنت النور اللي حياتي
جوا نني
كنت كنت
وزي ماكنت كنت
مبقاش فيك حاجه مني
اسمع ياقلبي
وحاول تفهم كلامي
اوعاك تنكر انك بتحبها
وانك دايب غرام
وانك عاشق حضنها
اوعاك تصدق
ده عشان تدوق شهدها
لازم في النهايه
تدوق مرها
نصيحه مني
في الاخر انت حتة مني
اياك تدوس عليك
اياك ترضي ذلها
وعشان هي عايش دور
وعشان يملكها غرور
تعال نتفق
اننا نحاول ننسي حبها
يمكن يكون صعب
ويمكن استحاله
بس برضو
عشان هي عايشه حاله
حاله من غرور
وعشان تتعدل الامور
وعشان تفهم كلامك
لازم تفهم الكلام
اللي انت مداريه بين السطور
احنا مش ملايكه
احنابشر
لااتخلقت اكون عبدك
ولا حتة حجر
ولا انت العذراءمريم
ولا انا عابد بقر
ولاانت الحق ديما
ولااناابليس المنتظر
لا انت الاميره فوق عرشك
ولا انا كنت في يوم من الغجر
هي فرصه ليك عندي
فرصه اخيره
تعيش بكبرياء جوه قلبي
او غباءبره قلبي
وان كنت رافضه الكبرياء
راضيه بدورالغباء
وعايشه دور النبوه
يااحساسي الموجع
انتهي عصر الانبياء
لايمكن تكوني مريم
حاجه غلط في الكواليس
طول ماانت مش مريم
والله ماهكون ابليس
احمد عبدالحق