اوهام...بقلم مصطفى كرم

**** اوهام ****
سألتني أول مرة
تعرف أيه معنى الهوا
يعني ايه تبقي أنا
وازاي ندوب واحنا سوا
يعني إيه تعشق روح
هي الداء وهي الدوا
عيشتني في الغرام
دوقتني أحلى طعم للجوي
علمتني يعني إيه
حب طاهر من غير غوا
علمتني معنى الحياة
وازاي نكون بسمة حلوه
فوق الشفاه
علمتني كل حاجة وأي حاجة
تقرب من حب الإله
بس نسيتي تعلميني
إزاي أداوي جروح الآه
لما تخرج من الضلوع
تنده غيتوني يا ولداه
في لحظة واحدة
قالت خلاص
البعاد ملوش مناص
سمعتني كلام كتير
يمكن أقوي م الرصاص
عيش حياتك واللى بينا
أصبح حطام
لو باقيلي حب عندك
فوق بقي م الأوهام
اللى بينا حاجة حلوة
قول صداقة قول أخوة
المهم بدون ملام
هههههه معقول ؟!!!
كله طلع أوهام
إنك تعشق قلب
وتدوق الغرام
إنك تحس الحب
 وتعيشه بسلام
أو ترتبط روحك بواحد
من غير كلام
او تحس بفرحه .....
بجرحه....... بحزنه .....
طلع اوهام !!!!!!!!
يا مغرمين بالهوي
هو الهوي أصبح بكام؟؟
ولوقلب عشقك  ساعات
لو حتى في الأحلام
يا ترى إيه التمن ؟؟؟
دلوني لأقرب مكان
بعلن مزاد عن قلب ...
مخلص ولا مره خان
فيه مشاعر ماتت
وخلصت من زمان
يا سادتي ...من يشتري ؟
نبضا يفيض بالحنان....
ويصنع لي قلبا من الأحجار
لا يحب او يعرف هوان...
إذا كان الحب أوهام ...
فما عاد للقلب أمان
وسأكتب علي أبوابه
مغلق حتى تزول الأشجان

******************************

بقلم/ مصطفى كرم

****Mostafaa Karm ****