رسمتلك...بقلم محمد البريمي

عملت المستحيل ..

قدت العشره صوابعى شموع .. عملت معاكى المستحيل ..

صبرت قلبى الموجوع .. مافيش أكتر من كده دليل ..

أعملك خدى مداس .. و أسهر ما أنام الليل ..

و أفرشلك الأرض بساط .. تمشى و تخطى عليه ..

         عملت المستحيل ..

إتحديت كل الصعاب .. حطمت كل القيود ..

فتحتلك كل الأبواب .. زرعتلك ف قلبى ورود ..

رسمتلك مركب و بحر .. و بنيتلك أمل ووعود ..

و أمانى عايشه  ف خيالى ..و شط أمان ترسى عليه ..      

         عملت المستحيل ..

ما عملتش حساب لعزول .. و مشيت على هواكى ..

فديتك بعمرى و مالى .. و إنتى اللى بأتمناكى ..

و بعت أهلى و ناسى .. و إتمنيت أعيش جواكى ..

فاضل إيه ما عملتوش .. تعالى و قوليلى عليه ..

          عملت المستحيل ..

بقلم الشاعر .. محمد البريمى ..