علمتني امي...عادل داود

 علــــــــــــــــــــــمتنى.أمى.عادل داود..

علمتنى أمى الطيبة. مااكسرشى خاطر حد

ولما أوعد أوفى...بالعهود..وأوفى..... بالوعد

اشيل.شوك من طريق الناس وازرعه...ورد 

ارسم إبتسامه على وشوش البشر... والخد

مكذبشى مااخونشى ولما أتكلم أقول الجد

أبنى وأعلى.البنيان.لا أهدم.ولا أعوق.. بسد

علمتنى.. ــــــــــــــــــــــــــــــــــــــــــــــــــــــ

علمتنى أمى المدرسه حاجات وحاجات كتير

علمتنى الصدق والأمانه  علمتنى. يكون عندى ضمير

علمتنى ماكونشى هايف أكون قد نفسى وكبير

وتملى تقولى صلى..ليك رب صاحب القدر والتدبير..

علمتنى..ــــــــــــــــــــــــــــــــــــــــــــــــــــــــ

علمتنى الرجوله والطيابه.وأصاحب رجال مش ديابه

وأقول الحق ولو على نفسى.قدوتى الرسول والصحابه

مظلمشى.ولا أكون منافق وأساند الضعيف

والغلابه

الطاهرة المؤمنه الصابره الحنينه.ضمه منها تزيل الكأبه

علمتنى أمى..ـــــــــــــــــــــــــــــــــــــــــــــــ

أمى الكليه والجامعه.الشمس والشمعه.اللى منوره الكون..

بتدى دروس للنفوس.فى الحنان والامان بالف الف لون

لو أديها..عمرى كله.وروحى وقلبى مايساويش رقة قلبها الحنون

يحميكى ويصونك يااجمل واغلى أم.معرفشى من غيرك إزاى أكون..

كلماتى..عـــــــــــــــــــــــــادل داود