حضن الام..محمد ابو الحسن
حضن الأم
كلمات محمد ابوالحسن
...................
لمَّابكون في حضرِة أُمِي
بنسىَ عقلِي بنسىَ سِنِي
وبعيش سِن الطفولة
إلِّلي إتسرِقت بدري مِنِّي
،،،،،،،،،،،،،،،،،،،
أي وقت أدخُل عليها
أحِب علىَ راسهَاوإيِدِيهَا
وقبل ماابُص في عِينيهَا
تقُّولِلي إِيِه ياضنايَا.مالَك
مُش عجبانِى أحوالَك
إيه ياابنى شاغل بالك
وحشِنِّي واللهِ عِيالَك
خلِّي بالَك من نفسك
ربِنَا .........يِوسَّع رِزْقَك
وعن قريب يسعِد قلبك
ويبارِكلك في عيالك
،،،،،،،،،،،،،،،،،،،
وقبل مااسألهاعلىَ حالها
تقُولِّلي هجِيبلَك لُقْمة
تاكُلهَا
زمانَك علىَ لحمْ بطنْك
وماكلتِش لِيلَة بطُولهَا
وعلىَ ماتاكُل اعمِّلَك
شاي
وحاجة حِلوة تحلِي بها
،،،،،،،،،،،،،،،،،،،
ولِسَّه هاقُولَلهَا كتَّرخِيرِك
تقُولِّلي بقيِنَا في الأيَّالَة
وشكْلَكْ كِدَه مهدُودْ
حيلك
أدخُل ياابنِي إتمَّد شِويَّة
علشَان تِرتَاح وتروّح
بيتَك
حتىَ لمَّا صحِيت مِن
النُوم
لقِيتْهَا جايبة شَبّة ودُوم
وقالِتْلِي يلَّه علشَان
أرقِيكْ
وأدعِيلك ربِنا يشفيك
ومن عِيوُن الناس
يِحمِيك
شايفاك كده قاعدتِتَاوِب
ينصرك على من يعاديك
وخلِّي حِتِةْ شبَّة في
جِيبَك
يحفظك ...........المولَى
. ويصُونَك
ويكفيك شر..........عيون
أعاديك
وسلَّملِي كتِير علىَ إبنك
وقُولُ له سِتَّك عاوزة
تِشُوفَك
وأمشِي وأنَا مكْسُوف
مِن نفسِي
وماقُلتِش كِلمة تِبيَّض
وِشِّى
وآل كُنت رايِح أشكِيلهَا
همِّي
لقِيتهَا شايْلاَه أكتر مِنِّي
مين في الدُنيا غِير أُمك
يخاف عليك ويشيل
همَّك
لاتقُولَّي إبنك ولازُوجتَك
مع إنِهُم غاليِين عليك
لكِن أُمَّك حاجة تانية
سبب وجُودك فى الدُنيا
خليِّها دايماً جُوَه عِينيك
وإوعَى في يوم تغضب
عليك
دي نِعمَة كبيرة بِين
إيديك
صُون ألنِعمَة الله يهديك
أنا بلَّغتك والدُور عليِك
محمد أبوالحسن
تعليقات
إرسال تعليق