رسالة لأمي..محمد الأشقر
كل عام وكل الأمهات بخير
** رسالة لأمي •••
بعد سلامي يمااا
وبعد التحية
وحشاني ٠٠
كتر وحشتك يما ليا
كتر بعدي ٠٠ وبعد بعدي
ومهما اقولك
ونبينا محمد ٠.واكتر شوية
من جواقلبي بعتلك اشواقي
مش كلمة "وحشاني"
بكتبهالك بأوراقي
عاملة ايه يمااا
عتبانة عليي وقلتي نسيني
كيف انساكي
و انتي عمرك مانيستيني
ومن غير حتى ماتناديني
منا كنت ناوي
آجي يمه أبوس ايديكي
واشوف الفرحة الي بعنيكي
لما اجيلك وتقوليلي ٠٠
هل هلالك ياعيد
كام ماقلبي فرحان وسعيد
ونبينا محمد
كني سامعة تكبيرات العيد
بس ياهل ترى
لو جيت يمه حلاقيكي
فاتحة باب قلبك قبل باب البيت
وتطبطبي على دمعتي
حتى لماكبرت وحجيت
وتمسحي الحزن اللي بيا
لما تشوفي بعيوني
دمعة واقفة بين جفوني
ومش بكلام الشفايف
دنتي كنتي بتسمعيني
من نظرتي
فرحااان يمااا .. أو حتى خايف
سامحيني ياغالية
جيتك يماا
بس بيتنا لقيتو فاضي
مافيهوش غير الحيطان
لا لمة حلوة
ولا جاتك واحدة من الجيران
ولا حد جانا يقول عوافي
ولابابنا خبط من يوميها
لما رحتي وكنت شايلك
وانتي ساكتة وباصة لينا
زي مايكون بتودعينا
وانهاردة جيت وقاعد
قلت يتلمو الحبايب
اتاريكي انتي اللي حاضرة
والكل بعدك يما غااااايب
كان نفسي اقولك :
كل عام وانتي بهنا
كل عام وانتي بسرور
دمعتي يمايا نزلت
مين يمسحهالي زي كل دووور
فمان الله ياست الحبايب
ولدك ٠٠ محمد.
*
* بقلمي/محمد الأشقر
تعليقات
إرسال تعليق