مراكب الوهم.... محمود الدخميسي
مراكب الوهم
محمود الدخميسي
وكان. كتفي اتخلق.
علشان يشيل النعوش والجثث
والبحر. من فجعته ثاير غضبان
والموج بيبكي. كأنه بشر
صوتنا اتنبح.
من كتر قول الطريق دا خطر
اشكي لمين الوجع
للوطن. ولا. للنعوش والجثث
سألنا الغطاس بعد ما غطس
ولادنا. وشوشهم. زي القمر
رد الغطاس وقال اعرفهم منين
البحر. فيه آلاف الجثث
لو أنت فاكر الغربه عسل
أديك شربت مرار الوجع
وفراق ابنك الجدع
لوكنت فاكر إن مراكب الوهم
هتفتحلك بيبان الأمل
أنا كتفتي اتوجع.
من شيل النعوش والجثث
في بحور الزيف
الطفل قب وغطس
وانقطع عن النفس
حتي الشهاده. من الخوف صعب تتنطق
أمتي هتحشمي يابلد
وكل يوم. رجعلك ولد
جسمه بايش جوا الكفن
يابن بلدي قلبي عليك اتوجع
وانت بايدك دفعت للموت الثمن
يا مراكب الوهم يامشرقة. ومغربة
البحر غضبان بعد ما أصبح مقبره
ليه تخلي فلوسك تهلكك.
وتبهدلك في السكك
وتدفع بايدك. تمن وجعك لتجار البشر
ياحي فوق.
ولا انت حابب تدوق مرار الوجع
تعليقات
إرسال تعليق