اعتذاري... زهيدة ابشر سعيد
إعتذاري
إعتذاري كوني جيتك
بعد طول الانتظار
بعد مراسيلي وقفن
نصف النهار
بعتذر لأني بجهل فنّ الكلام
و لغة الحوار
و لأني جاية من وراء
القرون
و ماااا فاهمة بيت القصيد
و لا التصيد
كنت راجيه مراسيلك في البريد
رفقة كانت مااا داير
ليها قوانين ريد
ما أصلا أنا مابريد !!!
قلبي عشقان للوريد
بطلع مع المراكبية
الملاح
شايل هموم الليل
لم يطل فجر الصباح
بعتذر بجد لأني جيتك
بعد أنْ كمَّلت أشواط الحنين
و أنا و أنت و الزمن الحزين
نفس الغة و الآهة
مرسومة على أعلى
الجبين
نفس الأنين
و المتاهات الطوال
و الحنايات السجينة
بعتذر منك لأني دخلتك
في متاهات التحاور
و التشاور
و رسمتك كذبة في مخاط الحقيقة
كذبة الكتابة بلا نقاط
و كل حروفي بلا ارتباط
بعتذر من دخولي عليك
من أبواب المسافرين
بلا رجوع
زمن فيه انتكاسات الراس
و الخنوع
زمن مات فيه الحنين
و راحت الأيام سُدىً
و أنا في مطبَّات الزمن
برسم اللوحات غنى
و أسطر الآهات سنا
بعتذر ليك و المطر
هاطل يغسل
أحلام العمر
و القمر يضحك في
وقت السحر
و أنا و أنت و القمر
في كل الفصول
بنخيط الألحان دُرَر
لأنك غناوى الخريف
و فرحة العيد الكبيرة
في بحوره طيف
و أفضل أختك في عمق
الحروف
خايفة النزيف
ترعف الأماني
و تتمحى صور التهانى
ولكن عشمي مراكبنا
تقيف قبل ماااا تدق
على القيف
✍️ زُهَـيــدةُ أبـشِـر سـعـيـد .
تعليقات
إرسال تعليق