اختي الكبيرة... احمد محمود
اختي الكبيرة
تبقي امي التانية
وليه لا
ماهيا اللي مربياني
من يوم ما وعيت
علي الدنيا
وانا قد كده
هيا اللي
مأكلاني و مشرباني
ومحمياني وملبساني
والله بتكلم جد
هيا وامي
غلاوتهم واحدة
هما ةالاتنين
بس كد كتير عليا
والله كتير عليا
ادفن امي مرتين
طيب لما اكون
زعلان ومخنوق
هاروح لمين تاني
ياحضناني وضماني
ومطبطبة عليا
يامهونة الدنيا عليا
بموتك ياغالية
وجعتي قلبي
وهديتي كياني
امانة ياتراب القبر
دي الغالية جيالك
خليك حنين عليها قوي
ومنها خد بالك
وامانة عليكي ياغالية
تبلغي امي السلام
والدنيا من بعدكم
بقت عليها السلام
وعرفيها
اني بقيت يتيم
وبقيت وحيد
وماليش حبيب تاني
والعين تبكي عليكي
دم
عام وري التاني
ابنك وحبيبك
احمد محمود
تعليقات
إرسال تعليق