حقنة امل... د. محمد رزق عبد الحليم
حقنة أمل...
من كلمات/ د. محمد رزق عبد الحليم ( الطبيب الشاعر ).
****
حاكتب رسالتي يابشر
حقنة أمل..
مش في الوريد، لكن أكيد
حتجيب نتيجة مذهلة ،
وتحل كل الأسئلة ،
لو يوم سألني القلب ليه ؟! ،
دقاتي ضايعة في الهوا ،
فين الغرام؟، فين الهوى؟
إيه العلاج؟ فين الدوا ؟!
ساعتها هفتح شنطتي،
واكتب لقلبي روشتتي،
حقنة أمل،
مش في الوريد
لكن أكيد
حنلاقي حد يحبنا ،
ويكون بيحلم زينا
ونعيش معاه قصة غرام
وحكاية حلوة تِكتَمَل،
كل الحكاية يابشر ... حقنة أمل ...
***
مساء السعادة والمحبة لكم جميعا
د. محمد رزق عبد الحليم ( الطبيب الشاعر ).
🌹🌹🌹
***
تعليقات
إرسال تعليق