حلم.... خيري حسني
قصيدة بعنوان
(حلم؟؟؟؟؟؟؟)
حلم....
لأول مرة
يجي لي حبيبي
وأنام نايم
وأحلم بيه.
في التلت الأخير
من الليل.
وكأن الليل فجأة
أصبح لي نهار......
وكل الظلام ال
في إتبدد
وبقى أنوار.
بتسألني عن حالي
وإيه بي
فعلته الأيام
كلامها أثلج لي صدري
وأشعل الشوق
ال جواي وفكرني
بالماضي وأيامه
نزل على قلبي
كأنه طفا لي نار
كلامها شغلني وشغل
تفكيري فكرني
بغربة وأيامها
ال كلها مرار
سألتها عن أحوالها
بصت لي بعينيها
ال بتبرق ليها لمعة
خلتني في جمالها
أحتار.........
طأطأة راسها
وهزتها مرة واتنين
وكأن جواها أشياء
مش هي تمتمت
وقالت لي أسرار.
فضفضي وقولي
إل عندك ومتخبيش
اجرينا في الدنيا
وياما اجرينا
وكله على ما مفيش
حلمنا في الدنيا
حلم على الكد
إننا نعيش.
واتعبنا واشقينا
ودهولتنا الأيام
شالتنا وحطتنا
ورمتنا وهبدتنا
وكأننا في الهوا
ريش.........
وكله على الفاضي
فقولي كل
حاجه ومتخبيش..
قالت والله لسه ليك
وحشه في
قلبي يا أبو الخير
ومكانك هو هو
متغيرش..
غيرتني الدنيا
وشعري كساه الشيب
وانت جواي
بشحمك ولحمك
ووشك ولون بشرتك
بشكلك ولونك
جواي ما بتكبرش
كلامها نطط قلبي
من الفرحة
كأنه نفسه يطير
ساعه عيشتها
معاها كأننا عصافير
هي تحكي لي وتفضفض
ودموع على خدودها
غذير...........
بتجيب كلمه من الشرق
وكلمه من الغرب
وكلام حكته
اكتير فيه
ال فاكره وال
عدى بسرعه
وال بطيء
بيسير........
وأنا من الآخر نفسي
من الحلم مصحاش
وروحي معاها
متخدا وأقول أهو
حلم أسعدني
وفرحني ببلاش.
وأنا بيني وبينكم
عيني مارمشتش
مرة في عينيها
كان نفسي أفضل
ليها متطلع
أخاف أصحى
بعديها ياخسارة
يا ألف ألف خسارة
صحيت على ديوك
بتأدن وكأنها
بتصحيني من
نومي وتقول لي
قوم لصلاة
الفجر أديها
وبالفعل صحيت
من الحلم
وأنا جواي كانت
فرحة وسعادة
غامرة........
زياده مش هي
لأول مرة أحس
باحساس ومشاعر
تنعشني
وتفتش عن أوجاع
وآلام جواي
تشفيها.........
استحالة
عنكم أخفيها
وأنا دلوقتي بأحكي
لكم عن حلمي
وعن لحظات
وأنا فيها.....
من الفرحة
ال غمراني
وكأني كنت
محتاجها وأخاف
أصحى على كابوس
ينهيها.
اتمنيت الحلم
يطول وأعيش
حياتي من الأول
حتى لو ساعة
ولو في الحلم
حلم...........
30/11/2022
(ترنيمات وخواطر.بقلم..........)
(شاعر العاميه/خيرى حسنى.)
تعليقات
إرسال تعليق